കിളികള്‍ കൂട്ടമായി വന്നു
ചില്ലകളിലിരിക്കുമ്പോള്‍
മരത്തിനു രോമാഞ്ചം
പറന്നകലുമ്പോള്‍ വേദന.
ഇന്നലെയെത്താതിരുന്ന സൂര്യനോ-
ടിലകള്‍ കെറു പറയും -
എന്ത്യേ വന്നില്ല, നേരമെത്ര
ഞങ്ങള്‍ കാത്തിരുന്നു!
മുട്ടയെല്ലാം വിരിഞ്ഞോ?
തള്ളപ്പക്ഷിയോടു മരം.
വിരിഞ്ഞോന്ന്! ആണ്‍കിളി
കയറിപ്പറഞ്ഞു, നാലാമ്പിള്ളേര്‍!
നന്നായി വളരുന്നുണ്ടോ?
മരം വീണ്ടും ചോദിച്ചു.
മഴവില്ല് കണ്ടിന്നലെയോരുത്തന്‍
കൂടുവിട്ടിറങ്ങിയെന്നേ!
ഉന്തിത്തിരിച്ചിട്ടു ചട്ടമ്പിയെ
തള്ളപ്പക്ഷി ഗമ പറഞ്ഞു
മക്കളുമായി പോയാലും
വീണ്ടും വേഗം വരണേ!
കായ്കളൊക്കെ പഴുക്കാനിനി
നേരമേറെയില്ല, കേട്ടോ!
സക്കറിയാസ് നെടുങ്കനാല്‍
Posts
0 comments:
Post a Comment